Jina la Bwana wetu Yesu Kristo libarikiwe. Karibu tujifunze maneno ya Uzima Ambayo ni taa ya miguu yetu.

Kwanza kabisa mafuriko si sawa na Mvua! Mvua hustawisha mazao, husafisha lakini mafuriko hugharikisha au kuharibu.
Hivyo unapoona unaota ndoto hii mara kadhaa kwa uzito usio wa kawaida ndani yako, basi ni dhahiri kuna mafuriko makubwa ya kiroho mbele yako.

Wengine huota wapo baharini katika chombo na mawimbi yanakizonga, wengine wanaogelea, wanazama n.k ndoto yoyote inayohusisha maji mengi yaani mafuriko basi ujumbe ni ule ule nao ni HATARI MBELE YAKO iletwayo na yule Ibilisi.

Ujumbe huu ni kwa makundi yote mawili yaani waliookoka na ambao bado hawajaokoka

1. AMBAO HAWAJAOKOKA BADO
Ikiwa upo nje ya wokovu na unaota ndoto ya namna hii basi ni Mungu anakuonesha jinsi Mwisho au hatma yako itakavyokuwa.
Mpendwa ukiwa na Yesu hakuna wimbi lolote litakaloweza kukuchukua maana upo imara, umejengwa katika mwamba imara, lakini unapokuwa tofauti Bwana anasema hivi..

Mathayo 7:24-27
24 ”Basi kila asikiaye hayo maneno yangu, na kuyafanya, atafananishwa na mtu mwenye akili, aliyejenga nyumba yake juu ya mwamba;

25 mvua ikanyesha, mafuriko yakaja, pepo zikavuma, zikaipiga nyumba ile, isianguke; kwa maana misingi yake imewekwa juu ya mwamba.

26 Na kila asikiaye hayo maneno yangu asiyafanye, atafananishwa na mtu mpumbavu, aliyejenga nyumba yake juu ya mchanga;

27 mvua ikanyesha, MAFURIKO YAKAJA, pepo zikavuma, zikaipiga nyumba ile, ikaanguka; nalo anguko lake likawa kubwa.”

Sikiliza, unapokuwa mlevi,mzinzi, Muasherati, Mwabudu sanamu,tapeli, mshirikina unayependa mambo ya Dunia basi lipo wimbi(furiko kubwa) la mauti mbele yako ambalo shetani amekuandalia ambalo halitakuachia SI kichwa Wala mkia hivyo utakwenda Moja kwa moja mpaka Mauti yaani Kuzimu! Naam, hiyo ndiyo Nia ya shetani (Ufunuo 12: 14-17)

2. KWA WATU WALIOOKOKA

Ikiwa upo ndani ya Kristo na unaota ndoto za Namna hii basi ujue ni Mungu anakujulisha hatari iliyopo mbele yako yaani hila za ibilisi, na ili Akuepushe nazo.
Hivyo basi Unatakiwa uongeze bidii zaidi katika Maombi, omba kwa bidii usiwe mvivu katika Maombi, na kudumu katika utakatifu. Ili kwa Kila wimbi au hila za mwovu zikija juu yako usiweze kuzongwa Wala kupepesuka maana umejengwa katika mwamba Ambao ni Yesu Kristo.

Nyakati nyingine Mungu humpa mtu aliyeokoka ujumbe huu ili kumjulisha Hali yake kiroho huenda amepoa sana na kuwa baridi au karudi nyuma kiimani

Tusome..
Zaburi 124:1-8
1 ”Kama si Bwana aliyekuwa pamoja nasi, Israeli na aseme sasa,

2 Kama si Bwana aliyekuwa pamoja nasi, Wanadamu walipotushambulia.

3 Papo hapo wangalitumeza hai, Hasira yao ilipowaka juu yetu

4 Papo hapo maji yangalitugharikisha, Mto ungalipita juu ya roho zetu;

5 Papo hapo yangalipita juu ya nafsi zetu Maji yafurikayo.

6 Na ahimidiwe Bwana; Asiyetutoa kuwa mawindo kwa meno yao.

7 Nafsi yetu imeokoka kama ndege Katika mtego wa wawindaji, Mtego umevunjika, nasi tumeokoka.

8 Msaada wetu u katika jina la Bwana, Aliyezifanya mbingu na nchi.”

JE? Ungependa kuokoka Leo?

Inakupasa ufanye maamuzi haya haraka. Haijalishi umezaliwa katika dini Gani(Muislam au Mkristro), familia Gani lakini kama upo nje ya kristo upo hatarini dhidi ya Kila hila za shetani.
Lakini Sikuambii Leo uje kwa Yesu kwa ajili ya usalama dhidi ya hayo matatizo, La! Bali ni Wingi wa faida zilizopo ukiwemo ndani ya Yesu. Kwanza na kubwa kabisa ni Uzima wa milele na pili Anakuhitaji sana Maana wewe ni mwana wake uliyepotea na mengineyo mengi sana.

Sasa basi ikiwa upo tayari Leo hii kumkabidhi Yesu Kristo maisha yako Uokoke , Basi chukua muda mchache tafuta utulivu, na ukiri Sala hii kwa sauti na kwa Imani, ukiwa umepiga magoti yako kama ishara ya unyenyekevu.

Ikiwa umefuatisha sala hiyo kwa Imani basi kwanza Hongera sana kwa kuokoka! Umekuwa miongoni mwa Wana wa Mungu na Jeshi la Yesu KRISTO! Na hukumu imeondolewa.

Sasa kilichobaki hapo ni kuthibitisha Toba yako kwa vitendo kwa kuyaacha maisha yako ya dhambi, Mungu akiona geuko lako la dhati moyoni mwako, Basi anaipokea Toba yako na kuja kufanya Makao ya milele kwako.
Tafuta kanisa la kiroho karibu yako umwabudu Mungu na ujifunze Biblia ili Uukulie wokovu wako.

Na Mungu atakubariki sana

Washirikishe na wengine habari hizi njema kwa kushea

Ikiwa utapenda kupata msaada wa kumpokea Yesu maishani mwako bure, Basi wasiliana nasi kwa namba uzionazo chini ya makala hii.

Pia kwa kupokea mafundisho ya kila siku kwa njia ya WHATSAPP, jiunge na channel yetu kwa kupofya link hii >> https://whatsapp.com/channel/0029VaBVhuA3WHTbKoz8jx1

Kwa Mawasiliano: +255789001312 au +255693036618

Bwana akubariki.