BIBLIA NI NINI?

Chimbuko la Neno Biblia, ni kutoka katika lugha ya Kiyunani, lenye maana ya “Mkusanyiko wa vitabu vitakatifu” Kikiwa kimoja kinaitwa Biblioni, lakini vikiwa vingi huitwa Biblia.

Na vilizoeleka kuitwa hivyo kwasababu vitabu vya awali vya agano jipya, sehemu kubwa viliandikwa katika lugha hii ya Kiyunani, Kwahiyo vilipokusanywa Pamoja viliendelea kuitwa hivyo hivyo kiyunani Biblia kwa kipindi chote.

Hivyo huwezi kukuta neno hili ndani yake, kwasababu ni Neno la wasifa. {Vitabu vitakatifu}. Hakuna asiyejua hilo. Na ndio maana biblia angalizo kali limetolewa kwa yeyote atakayejaribu kuongeza au kupunguza kitu chochote ndani yake.

Ufunuo 22:18 “Namshuhudia kila mtu ayasikiaye maneno ya unabii wa kitabu hiki, Mtu ye yote akiyaongeza, Mungu atamwongezea hayo mapigo yaliyoandikwa katika kitabu hiki.

19 Na mtu ye yote akiondoa lo lote katika maneno ya unabii wa kitabu hiki, Mungu atamwondolea sehemu yake katika ule mti wa uzima, na katika ule mji mtakatifu, ambao habari zake zimeandikwa katika kitabu hiki”.

Biblia ni kitabu kilichoandikwa na Mungu mwenyewe kupitia wanadamu aliowachagua kulingana na wakati na majira. Na  sio kitabu chenye mawazo afu fikra za mwanadamu yeyote. Tunalithibitisha hilo katika;

2Petro 1:20 “Mkijua neno hili kwanza, ya kwamba hakuna unabii katika maandiko upatao kufasiriwa kama apendavyo mtu fulani tu.

21 Maana unabii haukuletwa po pote kwa mapenzi ya mwanadamu; bali wanadamu walinena yaliyotoka kwa Mungu, wakiongozwa na Roho Mtakatifu”.

Ndani ya biblia utakutana na Historia ya mwanadamu, ya  mataifa, na watu wa Mungu, Vilevile utapata uponyaji wa Roho, mwili na Nafsi, Halikadhalika utakutana na Tabiri za mambo yajayo ya siku za mwisho na umilele.

Biblia imegawanyika katika Sehemu kuu mbili.

Sehemu ya kwanza ni Agano la Kale. Na Sehemu ya pili ni Agano jipya. Ambayo yote kwa Pamoja yanaunda vitabu 66. Agano la Kale likiwa na vitabu 39, Agano jipya likiwa limeundwa na vitabu 27.

Biblia yote inamlenga mtu mmoja, ambaye ni YESU KRISTO MWOKOZI  wa Ulimwengu. Ikiwa na maana vitabu vyote 66, kwa namna moja au nyingine vinamuelezea Kristo, na ukombozi wake, kwa mwanadamu, yenye ndio kiini cha Vitabu hivyo.

Kulikuweko na vitabu vingine vingi, vijulikanavyo kama vitabu vya Apokrifa, ambavyo vinaaminiwa na baadha ya madhehebu duniani, kwamba vingejumuishwa katika orodha ya vitabu vitakatifu.

Lakini vilisadikika tangu zamani za mitume kuwa havikuvuviwa na Roho Mtakatifu, kwasababu vinakinzana na mafundisho ya msingi Ya mitume, ambayo yalimlenga Kristo Yesu.

Hivyo Hakikisha biblia uliyonayo, inayojumla ya vitabu 66, na si Zaidi. Na vitabu vyenyewe ndio hivi.

Agano la Kale

1. Mwanzo
2. Kutoka
3. Mambo ya Walawi
4. Hesabu
5. Kumbukumbu la Torati
6. Yoshua
7. Waamuzi
8. Ruthu
9. 1Samweli
10. 2Samweli
11. 1Wafalme
12. 2Wafalme
13. 1Mambo ya Nyakati
14. 2 Mambo ya Nyakati
15. Ezra
16. Nehemia
17. Esta
18. Ayubu
19. Zaburi
20. Mithali
21. Mhubiri
22. Wimbo ulio bora
23. Isaya
24. Yeremia
25. Maombolezo
26. Ezekieli
27. Danieli
28. Hosea
29. Yoeli
30. Amosi
31. Obadia
32. Yona
33. Mika
34. Nahumu
35. Habakuki
36. Sefania
37. Hagai
38. Zekaria
39. Malaki

Agano Jipya

1. Mathayo
2. Marko
3. Luka
4. Yohana
5. Matendo
6. Warumi
7. 1Wakorintho
8. 2Wakorintho
9. Wagalatia
10. Waefeso
11. Wafilipi
12. Wakolosai
13. 1Wathesalonike
14. 2Wathesalonike
15. 1Timotheo
16. 2Timotheo
17. Tito
18. Filemoni
19. Waebrania
20. Yakobo
21. 1Petro
22. 2Petro
23. 1Yohana
24. 2Yohana
25. 3Yohana
26. Yuda
27. Ufunuo

Bwana akubariki.