Bwana Yesu asifiwe, nakusalimu kwa jina la Mwokozi Yesu, karibu katika kujifunza

Jibu: Hakuna kosa lolote walilolifanya wana wa Israeli, lililowafanya wakae utumwani miaka hiyo mia nne, lakini lipo jambo ambalo tutajifunza je ni kitu gani kilichopeleka wakae utumwani miaka mingi huko misri

Mambo yaliyofanya Mungu awaache wana wa Israeli utumwani miaka 400, yalikuwa ni haya

     1. MUNGU ALITAKA KUONYESHA UKUU WAKE 

 2. MUNGU ALIKUWA ANAONUESHA NJIA YA WOKOVU

mambo haya ndiyo yalikuwa sababu ya Waisraeli wakae utumwani miaka yote hiyo, lilikuwa ni kusudi la Mungu kuwaacha katika kipindi chote ili kile alichokikusudia kipate kutimilika, tunaweza kujifunza jambo hili kwa Yusufu, Yusufu kuuzwa kwa potifa, maandiko hayajaonyesha kuwa alitenda makosa ndiyo ikamfanya auzwe kwa potifa, lakini maandiko yanaeleza kuwa kupitia kuuzwa kwake huko misri kwa potifa, aliweza kuokoka taifa na tatizo la njaa( kupungukiwa chakula kwa miaka saba)

Mwanzo 45:4 “Yusufu akawaambia ndugu zake, Karibuni kwangu; basi, wakakaribia. Akasema, Mimi ni Yusufu, ndugu yenu, ambaye mliniuza kwenda Misri.

5 Basi sasa, msihuzunike, wala msiudhike nafsi zenu, kwa kuniuza huku; MAANA MUNGU ALINIPELEKA MBELE YENU KUHIFADHI MAISHA YA WATU.

6 MAANA MIAKA HII MIWILI NJAA IMEKUWA KATIKA NCHI, NA IKO TENA MIAKA MITANO ISIYO NA KULIMA WALA KUVUNA.

7 MUNGU ALINIPELEKA MBELE YENU KUWAHIFADHIA MASAZO KATIKA NCHI, NA KUWAOKOA NINYI KWA WOKOVU MKUU.

8 Basi si ninyi mlionipeleka huku, ila Mungu; naye ameniweka kama baba kwa Farao, na bwana katika nyumba yake yote, na mtawala katika nchi yote ya Misri”.

Hivyo hivyo hata Waisraeli, Mungu alitaka kutangaza mambo hayo kwa Watu wake waliopo duniani, ndiyo maana tunaona injili hii ya Waisraeli kukoka utumwani misri kuelekea kanani imetupa funzo kubwa, tukianzia na

 1 MUNGU ALITAKA KUONYESHA UKUU WAKE 

Kipindi Wana wa Israeli wanataka kutoka misri, tunaona Mungu alimtuma Musa kwa farao ili aweze kuwapa ruhusu Waisraeli waende wakamtolee dhabihu, pale farao alipoonyesha moyo mgumu, Mungu aliachilia mapigo kumi katika nchi hiyo na akazuilia nchi ya gosheni isipatwe na madhara hayo , sehemu nyingine Mungu alifanya miujiza pale wana wa Israeli walipokutana na kizuizi cha bahari, Mungu aliipasua katikati wakapita, na walipotaka chakula japo walikuwa jagwani Mungu aliwapa, ile mana, pamoja na wale kware, wakala wakashiba sasa hayo yote Mungu aliyaonyesha ili watu wote Dunia wajue kuwa hakuna Mungu mwingine anaye weza kama Yeye hapa duniani wala huko Mbinguni, yupo peke yake wala hakuna wakulingana naye huu ndiyo UKUU WA MUNGU vizazi vyote…

  2. MUNGU ALIKUWA ANAONYESHA NJIA YA WOKOVU

Kile kitendo cha wana wa Israeli kutoka misri kwenda kaanani, kilikuwa kinatangaza njia ya wokovu kwa watu wote, maana walipokuwa kule misri mateso mengi yaliyapitia lakini baada ya kuingia kaanani, mateso yote waliyasahau kwa sababu kule hakukuwa na shida, kule kulikuwa na maziwa na asali

Tunajifunza nini nasi katika haya…

Kwanza kabisa Mungu anatutaka tutambue kuwa yeye ni mkuu kuliko wote, hivyo anayepaswa kuabudiwa na kuheshimiwa ni yeye pekee ndiyo maana matendo makuu tunayaona anayoyafanya hii ni injili anayotupa sisi wanadamu kuwa tunapaswa kufahamu kuwa HAPA DUNIA MUNGU NDIYE WA KUTUMIKIWA

Kumbukumbu la Torati 5:6-7

[6]Mimi ni BWANA, Mungu wako, niliyekutoa katika nchi ya Misri, katika nyumba ya utumwa.

[7]Usiwe na miungu mingine ila mimi.

Kingine tunapokuwa nje Kristo tunakuwa utumwani, neno la Mungu alinasema katika

Yohana 8:34

[34]Yesu akawajibu, Amin, amin, nawaambia, Kila atendaye dhambi ni mtumwa wa dhambi.

Pale tunapomwamini Bwana Yesu tunatoka katika utumwa dhambi na tunakuwa sehemu iliyo salama, zaidi tunapata hakikisho la uzima wa milele

Jambo lingine, usiogope unaona unapotia katika kipindi fulanikigumu, ukadhani kuwa umemkosea Mungu, lakini kuna vipindi vingine Mungu hukupitisha ili ajitwalie utukufu na kukupa hatua nyingine, ikiwa tu imesimama katika kuyatenda mapenzi basi hupaswi kuogopa hicho kipindi, bali iwe wakati wa wewe kumtukuza Mungu

Ubarikiwe

Washirikishe na wengine habari hizi njema kwa kushea

Ikiwa utapenda kupata msaada wa kumpokea Yesu maishani mwako bure, Basi wasiliana nasi kwa namba uzionazo chini ya makala hii.

Pia kwa kupokea mafundisho ya kila siku kwa njia ya WHATSAPP, jiunge na channel yetu kwa kupofya link hii >> https://whatsapp.com/channel/0029VaBVhuA3WHTbKoz8jx10

Kwa Mawasiliano: +255789001312 au +255693036618

Bwana akubariki.