SOMA BIBLIA, SOMA BIBLIA.
Kati ya eneo shetani anapiga vita watu ni eneo la kusoma biblia. Shetani anaweza akamruhusu mtu aende kanisani, asikilize mahubiri mitandaoni, aombe na kufunga, ahubirie watu lakini asisome biblia.
Biblia ni kitabu ambacho mtu akisoma kwa kumaanisha kabisa, ndani ya miezi mitatu amemaliza vitabu vyote, lakini leo hii ni wachache sana wamesoma biblia yote, wengine wanaishia kusoma kwa juu juu tu. Tayari shetani ameshawahubiria kuwa ni ngumu kumaliza kusoma biblia yote, wengine wakijaribu tu kusoma wanakutana na habari hawaielewi, hivyo wanaona tu waruke ruke, usomaji wa namna hii haimsaidii mtu kukua.
Mtu anayekua vizuri ni yule aliyesoma biblia nzima, na kisha akaanza kuchambua na kujifunza zaidi, ukiwa mtu wa namna hii unampa wepesi Roho Mtakatifu akufundishe.
Hivyo kama wewe ni mtu uliyeokoka kwa kuzaliwa mara ya pili, tafuta kitabu cha biblia na uanze kusoma, acha kutegemea tu kusomewa kanisani, acha kutegemea tu Neno la siku, acha hiyo tabia ya kuruka ruka mistari ya biblia huo ni uvivu unaoletwa na shetani, hauwezi kukua kwa namna hiyo utabakia tu mchanga miaka yote na utakuwa mtu wa mwilini tu.
Weka ratiba ya kusoma biblia kila siku, walau sura tatu au zaidi, anza kitabu cha mwanzo…soma mstari baada ya mstari hata kama huielewi vizuri we soma tu utakuja kuelewa baadaye.
Zingatia kuwa katika sehemu tulivu na uwe na notebook na kalamu.
Hakikisha ndani ya mwaka umemaliza kusoma biblia yote, na baada ya hapo unaweza sasa kusoma kwa jinsi Roho Mtakatifu atakavyokuongoza. Na pia uwe mtu wa kutafuta maarifa, soma vitabu vingine vyenye maudhui ya kiMungu, soma makala mbali mbali za Neno la Mungu, tafuta kujua historia ya biblia mfano mwandishi wa kitabu fulani, historia ya kanisa n.k
Ukiwa mtu wa namna hiyo utakuwa ni mtu wa rohoni, na mtu aliyekomaa kiroho. Hautapelekwa pelekwa na mafundisho ya uongo… utakuwa ni mtu aliyejaa mafunuo ya Roho Mtakatifu, na ndisho shetani anachoogopa.
Lakini pia kumbuka hauwezi kutenganisha biblia na maombi, mtu anayesoma biblia lazima awe mwombaji sana, na halikadhalika mtu mwombaji ni lazima awe msomaji wa biblia. Ni vitu vinavyotegemeana, ukiacha kimoja hauwezi kufanikiwa. Ni kama chakula na maji vyote lazima mtu avitumie ili awe salama kiafya.
Soma biblia! Soma biblia!
1 Timotheo 4:12-13 Mtu awaye yote asiudharau ujana wako, bali uwe kielelezo kwao waaminio, katika usemi na mwenendo, na katika upendo na imani na usafi.
[13]Hata nitakapokuja, UFANYE BIDII KATIKA KUSOMA na kuonya na kufundisha.
Maran atha.
Washirikishe na wengine habari hizi njema kwa kushea
Ikiwa utapenda kupata msaada wa kumpokea Yesu maishani mwako bure, Basi wasiliana nasi kwa namba uzionazo chini ya makala hii.
Pia kwa kupokea mafundisho ya kila siku kwa njia ya WHATSAPP, jiunge na channel yetu kwa kupofya link hii >> https://whatsapp.com/channel/0029VaBVhuA3WHTbKoz8jx10
Kwa Mawasiliano: +255789001312 au +255693036618
Bwana akubariki.